’’နိဗ္ဗာန်’’

’’နိဗ္ဗာန်’’

ကောင်းကင်ဘုံထဲ

တိမ်စိုင်ဖြူဖြူတွေရဲ့အထက်ယွန်းယွန်း

တောင်ချွန်းချွန်းကြီးတွေရဲ့ထိပ်ဆုံး

ဘာတခုစလုံးမှမဟုတ်ဘူး။

ရင်ခွင်ထဲ တိုးဝှေ့ငုံ့လျှိုး နေတဲ့

ရှက်ပြုံးပြုံးနေသော ချစ်သူ ရဲ့ပါးပြင်လေးကို

ဖွဖွလေးထိရှိုက် နမ်းမိခဲ့စဉ်။

 

(ဗစ်တာထွန်းဇေ)

Advertisements

ကျွန်တောခံစားကြည့်သော နေ့လည်စာ

ကိုယ့်ပြည်ဌာနီ မွေးရပ်မြေ မဟုတ်တော့.. အချိန်တန် အိမ်ပြန်

ကြရတာ လူ့ဘဝ ထုံးစံ တခု နှယ်…. ၊ဒီအချိန်မှာ…

ပြေလည်ခြင်း ၊ မပြေလည် ခြင်း ၊ဝမ်းနည်း ..ဝမ်းသာ ဘာတခုမှမခံစားချင်ဘူး။

“မကြာမီ ရန်ကုန်အပြည်ပြည်ဆိုင်ရာ လေဆိပ်ကို ဆိုက်ရောက်ပါတော့မယ် ရှင်”

အဲဒီ ကြေငြာသံ လေး အဆုံးမှာ ရင်ထဲ က အပြုံးတွေ

(မယုံကြည်နိုင်စရာ)

လေယဉ်ပြေးလမ်းပေါ် ဘီးတွေမကျမှီ

ခြေလှမ်းကျဲကျဲကြီး နဲ့ကစုန်ဆိုင်းလို့လေ။

“ဟဲ့..ဖိုးခွါး..၊ ငါ့ခွေးလေး ၊သားရေ ၊လူလေး..”

“အမေ..အမေ”

“ဟဲ့..ဖြေးဖြေး

ခြေထောက်တွေ တက်နင်းမိပါအုံးမယ်

လူတယောက်လုံးတောင် မမြင်အောင်

ဘယ်တွေ အကြည့်တွေသဝေထိုးနေလဲ”

ဒီအချိန်..ဘယ်သူ့စကားမှ

အို – ဘာမှ မကြားချင်ဘူး…

မေမေ့ ကို တင်းတင်းဖက်ထားရင်း

ကျွန်တော် လွတ်မြောက်နေပါတယ်။

(ပျော်လိုက်တာ မေမေ ၊ ဒါပေမယ့် ကျွန်တော်ငိုနေတယ်)

ကျွန်တော်ခံစားနေရတယ် သိလား မေမေ…။

အမေ့ရဲ့ ဒုက္ခအိုးလေး (click လုပ်၍ ဖွင့်နားဆင်ပါ)

လူနဲ့အကျီင်္ (click လုပ်၍ ဖွင့်နားဆင်ပါ)

ကိုဌက်(ဆရာ ထူးအိမ်သင်) ကျွန်တော်  အကို နဲ့ ထပ်တူ ပေါ့။

ညီလေးရေ (click လုပ်၍ ဖွင့်နားဆင်ပါ)

ကြိုးဝိုင်း (click လုပ်၍ ဖွင့်နားဆင်ပါ)

ဗစ်တာထွန်းဇေ

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

အားလုံးသော မိတ်ဆွေ များ ကို ကျေးဇူး အထူးတင်ပါသည်။

အထူးအားဖြင့် တကူးတက ဘာရေးရေး လာလာကြည့်ပေးကြသော

တရင်းတနှီး မိတ်ဆွေ များ ကို ကျေးဇူးသီးသန့် တင် ချင်ပါသည်။

ကျွန်တော့် ရဲ့ အိမ် အပြန် ခရီး မထွက်ခွါ မှီ နောက် ဆုံး အနေ နဲ့

ဆရာ ကို ထူးအိမ်သင် သီချင်းလေး တွေ နဲ့ နှူတ်ဆက်ခဲ့ပါတယ်။

ကျွန်တော့်ရဲ့ ရိုင်းပြ သော စာ ၊ စကား ၊ မှားယွင်းသော အရေးအသားများ

ရှိ်ခဲ့ပါက လည်း တောင်း ပန်ပါတယ်။

ပျော်ရွှင်ချမ်းမြေ့ ဘဝအမောတွေပြေကြပါစေ။

အားလုံး ကို ချစ်ခြင်းအားဖြင့်..

ဗစ်တာထွန်းဇေ

ကြီးပွါးတိုးတက် နာမည်ကြီးသော လူကြီး နဲ့ ကျွန်တော်

ကြီးပွါးတိုးတက် နာမည်ကြီး သော လူကြီးကို

ကမ္ဘာပျက် နေ ပြီလားမေးကြည့်တော့

လူကြီး က ရယ်(ရီ) နေတယ်။

ဥာဏ်ရည် ဥာဏ်သွေး နိမ့်ပါးတဲ့

ကျွန်တော့်ကို ငုံ့ကြည့်ရင်း..

ကမ္ဘာကြီး က ဖွံ့ဖြိုးတိုးတက်လာနေတာပါ

ငါ့အိမ်ကြီး ကို ကြည့် ၊ငါ့ယဉ်ကြီးကိုကြည့်

ငါ့မြေကြီး ကို ကြည့်ဆိုပဲ။

……..

တကယ်  မြင်တွေ့လိုက်ရတာ

ပိုမိုပူလာတဲ့နေ  ၊ မီးလျှံတွေလိုတငြီးငြီး

လောင်ကျွမ်းတောက်လောင်နေရင်း

ပျက်စီးသွားတဲ့မြေယာ တွေ

မျောပါသွားသော ကျွဲ နွား လူ နဲ့ အဆောက်အဦး များ

ပူဆွေးနေသော သောက နဲ့ ဒုက္ခတရားများ

ရက်စက်လိုက်တာ။

ဒါ-နတ်ဘုရား ရဲ့ ကျိန်စာ တွေ ကြောင့်များ လား။

လူတွေ စည်းကမ်း မဲ့မှူ များ လား

တီထွင်မှု နည်းပညာ တွေ တိုးတက်လာလို့လား

အခြားကမ္ဘာက ဂြိုလ်သတ္တဝါ တွေ တိုက်ခိုက်ခံရတာလား။

……..

ဘယ်လိုပြောပြော…

သနားစဖွယ် မျက်လုံးလေးတွေ နဲ့ ဘေးအန္တာရယ်ကြုံ

သူတို့ဘဝ လုံခြုံ ဖို့  ဒေါ်လာသန်းပေါင်းများစွာ လိုတယ်။

သူတို့အသက်ရှင်ဖို့ ရေသန့်တွေ လီတာ များစွာ လိုတယ်။

သူတို့နေထိုင်ဖို့ ၊ သူတို့ ပျော် ရွှင်ဖို့ ၊သူတို့မနာကျင်ဖို့

အို..သူတို့ကို ကယ်တင်ဖို့ ၊ ကမ်းဆင့်တွဲကူမယ့်

စာနာမှူ လက်တွေ လိုတယ်။

သဘာဝပတ်ဝန်းကျင် ပညာပေးအသိတွေ

နောက်နောင် ကျယ်ကျယ်ပြန့်လုပ်ဆောင်ဖို့လိုတယ်။

ကြိုတင်ကာကွယ်ရေး သတိတွေ ထားဖို့လိုတယ်။

နတ်ဘုရား ကို နောက်ထပ် ကျိန်စာမတိုက် ဖို့

အထူး တား မြစ် ဖို့ လည်း လို ကို လိုတယ်။

……..

လက်သီးလက်မောင်းတန်းပြီး

လုပ်ဆောင်ရန် ကိစ္စတွေ  ကြံဆတွေးခေါ်နေသော

(လူနံပိန်)ကျွန်တော့်ကို ခပ် မဲ့မဲ့ ကြည့်ရင်း

ကြီးပွါးတိုးတက် နာမည်ကြီး သော လူကြီးက

မနက်ဖြန် ထွက်ပေါ် လာ မယ့် နည်းပညာ နဲ့

စီးပွါးရေး သတင်း အကြောင်း သာ

စူးစိုက် တွေးခေါ်နေတာ တွေ့ရတယ်။

……..

မနေနိုင်မထိုင်နိုင် ကျွန်တော့် ကို

နတ်ဘုရား က  အသာ လက်ယက်ခေါ်ပြီး

သူ့ပယောဂ မပါ ပဲ

ကမ္ဘာပျက်နေပြီ ဖြစ်ကြောင်းနဲ့

ကမ္ဘာဖျက်ခံနေရပြီ ဖြစ်ကြောင်း

အတိတ်စိမ်းပေးရင်း

အိပ်မက်မှ လှူပ် နှိူး ခဲ့တယ်။

ဗစ်တာထွန်းဇေ

အမောပြေ

ချွေးစက်တွေ နဲ့ နွမ်း

တနေ့တာ ဘဝ က ပင်ပန်းလွန်းပါတယ်။

ရုတ်တရက်…

တ အဲ့..အဲ့.နဲ့

နူတ်ဆက်လိုက်တာလား

လူ လေး (သားငယ်) ရေ။

ကြား မိ နေ တဲ့၊ မင်း ရဲ့ သံစဉ်ချိုတေး

ငါ့ဘဝ ကို  အေး မြ သွား စေ လေ ရဲ့။

ဗစ်တာထွန်းဇေ

အနိုင် = အရှုံး

စည်းဝိုင်း ကျဉ်းကျဉ်း ထဲ

ဆင်တွေလိုဝှေ့ နွားတွေလိုခွေ့

ကိုယ့်ဘဝ ကို ကိုယ် မေ့လျော့ထားကြပုံ

ငွေကြေး ကို အသက် နဲ့ အလောင်းအစား

(သူ့ပြောစကား အရ “စီးပွါးရေး အတွက်ပါ”တဲ့)။

ခပ်မဲ့မဲ့ မျက်နှာ တွေ က

ကျား တွေ လို အစွယ် တဖြီးဖြီး

ကြည့်….

နောက်တချီ အပြီးမှာ.

အပြာရောင် ချန်ပီယံလည်း ကွဲပြဲ

အနီရောင် စိန်ခေါ်သူလည်း ပြို လဲ။

ညံ့ချက် ဆိုချင်ဆို

အို- အသည်းနုတယ်ပြောချင်လည်းပြော

ကျုပ်တော့.. ဒီပွဲမှာ

အောင်နိုင်သူ ဘယ်သူဆိုတာ

ခု ထိ အမှန် မသိနိုင်ခဲ့ဘူး။

ဗစ်တာထွန်းဇေ

ညီညာစွာ လှမ်းခဲ့ မေ

ဥဒဟို လမ်းမတွေက

အသေကောင် လို ပက်လက်ကြီးစန့်လို့။

ခြေထောက်တွေ က

ဟိုဘက် ကို ဒီဘက်ကို

မြင်းခွာတွေ လို တဒေါက်ဒေါက် နဲ့

ခရီးရှည်ဆန့်လို့ ။

ဖြန့်ကျက်ထားတဲ့ စိတ်တွေက စွန်တွေလို

လေတံခွန်လေး လို တ လူလူပေါ့။

ဖြူဖြူ…..

မင်း နာ မည် ကျယ် ကျယ် အော် စမ်း

ခယောင်းလမ်း မှာ အနာ တွေ မကျက်သေးဘူး

ပန်းခင်းလမ်းဟာ သြဘာသံမညံသေးဘူး

လက်တမ်း ကဗျာလေး ဟာ ၊ ကာရံ မငြိသေးဘူး။

မေးကြည့်စမ်း….

မင်း သွေး တကယ်ကို နီ ရဲ့လား

ခြေလှမ်းတွေ ဘယ်ညာ ညီ ရဲ့လား

အား သွင်း လျှောက် လိုက်

ခြေထောက်တွေ ကိုက်လို့

သွေးတွေစိုက်ကနဲ  ၊( ဖြိုက် ကနဲ ) ကျ  စမ်း ပါ စေ

တို့- ပန်းတိုင် ရောက် မှ  အသက်ရှု ရပ်

အောင်မြင်မှု မှတ်တိုင် စိုက် ပါ ညီမရေ။

တို့- ပန်းတိုင် ရောက် မှ  အသက်ရှု ရပ်

အောင်မြင်မှု မှတ်တိုင် စိုက် ပါ ညီမရေ။

ဗစ်တာထွန်းဇေ

ကဲ..မခက်ဘူးလား

ပိတ်ထားတဲ့ တံခါး ကို

ခေါ်မဖိတ်ပဲ ရုတ်တရက်

ဆွဲခေါက် နှူတ်ဆက်

“ဟိုင်း…” ။

ဒီလိုနဲ့  လန့်နိုးမိတော့

ခြေသံဆိတ် လက်ပြ နှုတ်ဆက်

“ဘိုင်..”။

ဗစ်တာထွန်းဇေ

ဝဝဝဝဝဝဝဝဝဝဝဝဝဝဝဝဝဝဝဝဝဝဝဝဝဝဝဝဝ

စာကြွင်း။ ။ ယခင် ၂၀၀၈ ခုနှစ် တုန်း က ကိုစိုင်းထွန်း ၏  ရွိုင်ရယ်မြန်မာ

ဘလော့ လေး အ တွက် ရေး ၍ ပေး ပို့ ခဲ့ ဖူး ပါ သည်။

Previous Older Entries